因為今日返晏的關係,所以可以有時間落樓下茶餐廳食早餐(而且今天係同媽媽一齊食,唔駛自己比錢真好~)一向我都係食開腿蛋治的~但係當我見媽媽食個A餐轉多士時,我就有個沖動想轉餐跟食多士,不過我見已經落左單,咁就無謂轉來轉去啦~而且我諗住可以等放工後回來時先買個下午茶食(因為有跟多士)點知班細路真係留到4點先走,而我又諗住趁住無人影埋印先走,結果當我回到樓下茶餐廳時.............準備收舖
因為呢果原因,我就食唔到多士啦~
唉~算啦~鬼叫我懶唔肯去買麵包自己整來食咩,無得怨.....唯有等明天再落去食過啦~(..........點解我會住係一個咁"伯母"的邨ga~想搵個有多士買的地方都咁難,一係無得買,一係就超貴
)
明天目標：食多士
終於都到星期五啦~明天就係星期六啦~可以有半日假,
不過明天近晏,我一定會睡到10點幾先起身~
亦即係話我的活動時間又縮短啦~都係返早的好,
雖然冇得訓到咁晏,但起碼時間會覺得充實D先呀~
今日係佢地今年最後一日返學,正常應該會有好多人借書的,
鏡夜確實犀利,已經由媽媽升級至魔王啦~
我真係要同你看齊呀~唔係應該係封你為偶像先真~
對所有事都能夠冷眼旁觀,確實強呀~
都唔知係咪尋日比"有糖"推完出去淋雨的關係,
今日我的咳又開始番發,難得好番現在又番發,
如果真係的話,我一定唔會放過"有糖"的
我會用盡所有咀咒的方法來對付他的
唉~我都算係無藥可救的人啦~明明今朝仲諗住要番學,點知結果都係無番....都真係唔知到時點考試,雖然一早就諗住會考唔到,不過紿終都係想博一博的.
唉~原本看完積存於電腦內的10集動畫，加上看了少少的漫畫(真是少少)是一件快樂的事，難得有番少少的成就感，點知今早一番工對住班生番，即時什麼快樂、成就感完全無晒...........
點解最近都是這樣，專做一些無成就感 / 無奈 / 自己唔想做的事呢???
好想放假呀~
.......第一次玩網誌，感覺很新鮮，但我係一個三分鐘熱度的人，唔知我會幾時開始放棄唔玩呢??
by於公司偷偷摸摸撰寫中的魔貓.....
{{ article.title }}
